నేరేడుచర్ల, కేకే మీడియా సెప్టెంబర్ 3
పోషణ మాసంలో భాగంగా మండలంలోని పులగంబండ తండా,బోడల్ దిన్న,చింతకుంట్ల గ్రామాలలోని అంగన్వాడి కేంద్రాలలో “రీడ్ -ఎ-తోన్ 2024” కార్యక్రమం నిర్వహించారు.ఈ సందర్భంగా అంగన్వాడి సూపర్వైజర్ రాజ్యలక్ష్మి మాట్లాడుతూ అంగన్వాడీ కేంద్రాలలో ప్రీస్కూల్ పిల్లలకు చదవడం,రాయడం రావాలంటే పుస్తకాలు పిల్లలకు ఇచ్చి వారితో పెయింటింగ్ వేయించడం, చదివించడం చేయాలన్నారు. పుస్తకాలను జాగ్రత్తపరచుకోవటానికి ప్రతి పిల్లవానికి ప్రొఫైల్ బ్యాగ్ ఉండాలన్నారు.ఈ సెప్టెంబర్ నెల రోజులు షెడ్యూల్ ప్రకారం అంగన్వాడి కేంద్రాలలో పోషణ మాస కార్యక్రమం నిర్వహిస్తు నట్లు తెలిపారు.కార్యక్రమంలో గ్రామపంచాయతీ కార్యదర్శి పద్మ,అంగన్వాడి టీచర్లు సైదమ్మ ,సంధ్య,గోరి, ఆయాలు, పిల్లల తల్లిదండ్రులు,తదితరులు పాల్గొన్నారు.
